O precandidato ás primarias dos socialistas galegos,
Juan Díaz Villoslada”, considera prioritario a posta en marcha en Galicia “dun
plan de choque polo emprego xuvenil, no marco de diálogo social ecoacordo de
todas as organizacións políticas e sindicais”.
“Temos un problema como sociedade e nós, os
socialistas galegos, temos que abrir o partido á xuventude; necesitamos xente
nova que coñeza ben os problemas da súa xeración e contribúa a darlles solucións”,
asegura Villoslada, que hoxe mantivo dous encontros coa militancia en
Barbadás e Verín.
“As cifras de precariedade e desemprego xuvenil son
inasumibles, con porcentaxes próximas ao 40%”, sostén o precandidato
socialista, que aposta por un programa de medidas urxentes “para recuperar a
dignidade nos contratos e nos salarios dos novos traballadores”.
“Galicia
necesita unha estratexia máis eficaz para o emprendemento e o emprego xuvenil, con
medidas como os orientadores especializados,
poñer en marcha un Estatuto do Becario e unha nova regulación para o contrato
de formación, controlando as prácticas non laborales que enmascaran a explotación
dos mozos e mozas”, afirma Villoslada.
“Se son secretario xeral do PSdeG,
comprométome a traballar desde o primeiro día por un futuro digno para os
máis novos, escoitando as súas demandas e impulsado o diálogo entre os
axentes sociais para concretar solucións a curto prazo”, remata. Departamento de comunicación