SANTIAGO | ATENEO
Mosteiros e vida monástica, no próximo "Luns do Ateneo"
SANTIAGO DE COMPOSTELA | O próximo luns, o Ateneo de
Santiago invita a José Miguel Andrade, profesor de
Historia Medieval da USC, a impartir unha conferencia, organizada pola Sección
Compostela, que levará por título "Mosteiros e vida monástica na Compostela
medieval".
No
acto, que terá lugar como sempre ás 20.00h no número 19 da Rúa do Vilar, o
profesor Andrade fará referencia a moitos dos múltiples mosteiros da cidade de
Santiago, como o de San Paio de Antealtares, coñecido edificio situado na Praza
da Quintana, ou San Martiño Pinario, na Praza da Inmaculada, dúas das grandes
referencias monásticas de Compostela. Falará asemade da chegada dos cóengos
regulares coa Colexiata de Santa María de Sar, templo que lles servía de casa
de retiro, e dos mendicantes, entre outros.
José Miguel Andrade Cernadas, nado na Coruña no ano 1963, é profesor
titular de Historia Medieval na USC dende o ano 1955. O monacato medieval de
Galicia e a súa influencia na sociedade é o eixo principal da meirande parte
dos seus proxectos de investigación, ademais de tocar tamén outros temas como a
historia das mentalidades, a historia política ou a vida cotiá na Galicia da
Idade Media. Leer máis