O precandidato ás
primarias dos socialistas galegos, Juan Díaz Villoslada, reivindicou hoxe
o traballo dos alcaldes e alcadesas socialistas, que son “un muro de contención
para frear as políticas da dereita e sosteñen os valores do partido”.
Villoslada, tras reunirse hoxe coa militancia en Fene, As Pontes, Ortigueira, Cee, Camariñas e
Vimianzo, dixo que “os socialistas temos que deixar patente a nosa clara vocación
municipalista”, asegura o precandidato.
“Para os socialistas, os concellos son sinónimo de
calidade democrática, de mantemento do sistema de benestar e protección social,
de solvencia e de estabilidade económica”, sostén Villoslada, que considera
ademais que “os concellos son a primeira democracia, o nivel político onde os
electores poden atopar con facilidade aos seus representantes polas rúas e
achegarse a falar con eles”.
“Somos un partido municipalista porque sempre fomos quen
de levar o cambio ás cidades que gobernamos contando con todos os cidadáns que
viven nelas, ao igual que estan a facer, nestes momentos tan complicados, os
nosos compañeiros de Cataluña”, engade.
“A pesar das presións desde distintas partes, os
alcaldes e concelleiros do PSC continúan defendendo os seus principios e seguen
a pensar no ben común e nos intereses xerais dos seus veciños, polo que desde
Galicia amosamos todo o apoio e trasladamos toda a forza para que
continuen nese camiño”, remata Villoslada. Departamento de comunicación