El Confidencial
radiolider Buscador de noticias buscar en google
Economí­a

EN ABRIL

Galicia acada máximos históricos de demanda nos establecementos hoteleiros

23-05-2017 10:20:17
Hotel Crunia.

Segundo os datos do Instituto Nacional de Estatística (INE) publicados hoxe, no pasado mes de abril Galicia rexistrou máximos históricos de demanda hoteleira neste mes nos establecementos hoteleiros tanto en pernoitas, con preto de 695.000, como tamén en número viaxeiros, con algo máis de 375.000.

Este crecemento supón un incremento dun 33,6% máis de viaxeiros en relación ao ano pasado e un 44,1% máis en pernoitas. Un incremento que non só obedece ao efecto positivo do calendario –particularmente pola celebración da Semana Santa- senón que demostra que existe un contexto positivo que eleva por riba do habitual a mellora dos niveis de demanda.

De feito, o incremento de abril deste ano supera aos rexistrados en toda a serie histórica do cuarto mes do ano xa que nunca antes o volume de pernoitas medrara por riba do 40% neste mes e tampouco do 30% no caso dos viaxeiros aloxados.


Máximos históricos no turismo internacional

En termos de mercado, rexistrouse un forte incremento do mercado receptor nacional, superando nun 71,3% os niveis de demanda do ano pasado, grazas ao incremento da cifra de viaxeiros españois aloxados en Galicia. O peso deste mercado achegouse ao 50% do total da demanda hoteleira da Comunidade.

No que se refire ao turismo internacional, acada tamén máximos históricos de demanda no mes de abril, superando por vez primeira a cifra dos 100.000 viaxeiros e acadando 163.000 pernoitas nos establecementos hoteleiros da comunidade.

Este mercado mantén a senda positiva dos últimos meses e presenta un incremento importante en relación ao ano pasado, superando nun 22,9% a cifra de viaxeiros aloxados o ano pasado e nun 23,7% o nivel de pernoitas de abril.

Tamén medra o turismo interno cun incremento do 25,5% no volume de pernoitas hoteleiras prognosticado pola mellora da cifra de viaxeiros aloxados, do 21%. O incremento deste 2017 sitúa no nivel global do turismo interno en preto de 187.000 pernoitas, a cifra máis elevada dos últimos sete anos.

Ademais, o forte incremento das cifras de demanda e dos niveis de ocupación neste mes de abril ten como consecuencia que os establecementos hoteleiros de Galicia melloren notablemente os niveis de rendibilidade en relación ao mesmo período do ano pasado, incrementándose o RevPar un 42%.


Incremento tamén no primeiro cuadrimestre

En termos acumulados, neste primeiro cuadrimestre do ano, Galicia rexistra un incremento da cifra de viaxeiros aloxados nos establecementos hoteleiros do 7,6% en relación ao mesmo período do pasado ano, acadando máis de 930.000. Sobe tamén o volume de pernoitas –un 7,9% neste caso- con preto de 1,7 millóns no conxunto da comunidade.

O incremento da demanda engádese ao rexistrado nos tres anteriores e son, por tanto, catro anos consecutivos de crecemento no conxunto dos catro primeiros meses do ano, circunstancia que permite achegarse a 1,7 millóns de pernoitas neste período, a cifra máis elevada dos últimos sete anos.

En termos de viaxeiros aloxados, os incrementos consecutivos de 2014, 2015, 2016 e agora 2017 elevan a cifra global a máis de 930.000 no conxunto da Comunidade, cifra que supón un máximo histórico en Galicia.





www.galiciadiario.com no se hará responsable de los comentarios de los lectores. Nuestro editor los revisará para evitar insultos u opiniones ofensivas. Gracias