A contrarreloxo por equipos Ourense
termal/Balenario de Laias-Parque Náutico Castrelo de Miño dará inicio hoxe á 71
edición de La Vuelta, unha das tres probas ciclistas máis importantes do mundo
e na que a Comunidade galega terá un protagonismo especial, xa que un tercio
das etapas percorrerá o territorio galego.
A celebración desta proba deportiva constitúe
unha das mellores oportunidades de promoción da Comunidade galega e do seu
sector turístico, xa que se prevé que La Vuelta 2016 se achegue este ano a unha
audiencia de máis de 190 países.
Deste xeito, o departamento de Turismo da
Xunta colaborou coa organización das sete etapas desta proba ciclista que se
celebrarán na Comunidade galega, aproveitando o seu pulo mediático para
promover o destino Galicia e os seus recursos e produtos turísticos.
Viaxe
de familiarización
Deste xeito, Turismo de Galicia organizou unha
viaxe de familiarización na que participarán xornalistas que desenvolven o seu
labor profesional en medios de comunicación españois relacionados tanto coa
prensa escrita, como coa radio e a Internet.
Este grupo de profesionais da comunicación
especializada en turismo chegan hoxe a Galicia para facer un seguimento dos
recursos e os produtos turísticos galegos a través dos territorios que percorre
La Vuelta nas súas sete etapas en territorio galego.
Promoción
da enogastronomía galega
Por outra parte, Turismo de Galicia promove en
La Vuelta o turismo enogastronómico da Comunidade galega e así, na presentación
dos equipos de La Vuelta celebrada en Arnoia, este departamento da Xunto
organizou un showcooking onde se deron cita os mellores cociñeiros galegos e os
máis prezados produtos gastronómicos da nosa comunidade.
Neste percorrido gastronómico estivo
representada a cociña galega a través das degustacións ofrecidas, por unha
parte, por doce profesionais do Grupo Nove e, por outra, por nove cociñeiros de
Amigos da Cociña Galega. Así mesmo, estiveron presentes 21 Denominacións de
Orixe, Indicacións Xeográficas Protexidas e marcas con distintivo de calidade
diferenciada.
La Vuelta rematará a súa estadía en Galicia o
vindeiro 26 de agosto co percorrido entre Maceda e Puebla de Sanabria (Zamora),
logo das etapas de hoxe, Ourense termal/Balenario de Laias-Parque Náutico
Castrelo de Miño, e as seguintes de Ourense capital termal-Baiona,
Marín-Dumbría/Mirador do Ézaro, Betanzos-Santo André de Teixido, Viveiro-Lugo
e Monforte de Lemos-Luintra/Ribeira
Sacra.