El Confidencial
radiolider Buscador de noticias buscar en google
Economí­a

A Xunta lanzará este trimestre o programa Xente Nova

28-07-2016 20:44:32

O presidente da Xunta, Núñez Feijóo, avanzou hoxe que a Xunta achegará preto de 4 millóns de euros para poñer en marcha este trimestre o programa Xente Nova, que permitirá ás rapazas e rapaces de ata 18 anos, estes incluídos, viaxar gratuitamente no transporte metropolitano de Galicia.  

“Financiamos así con este programa o 100% do custo das viaxes interurbanas que realicen os 200.000 rapaces galegos, cun máximo de 60 viaxes ao mes, garantindo que poidan realizar, alomenos, unha viaxe de ida e volta gratuíta todos os días do mes, incluídos os sábados e domingos”, dixo. Esta medida aplicarase nas cinco áreas nas que o Plan de Transporte Metropolitano está en vigor, ao que se unirán proximamente os oito concellos que compoñen a área de Ourense.   

Feijóo engadiu tamén na rolda de prensa posterior ao Consello da Xunta que o Goberno galego vén de autorizar o convenio de colaboración con Abanca para emitir e xestionar a Tarxeta Metropolitana de Galicia Xente Nova, que será o medio a través do cal os rapaces de ata 18 anos poderán viaxar de xeito gratuíto.   

O presidente anunciou tamén que vén de solicitar aos concellos que estendan esta gratuidade ao transporte urbano, que é de competencia exclusivamente municipal.





www.galiciadiario.com no se hará responsable de los comentarios de los lectores. Nuestro editor los revisará para evitar insultos u opiniones ofensivas. Gracias