GALICIA | UNIVERSIDAD
La USC cierra sus cuentas de 2018 con un déficit de 1,14 millones
EUROPA PRESS | O consello de goberno da Universidade de Santiago de Compostela (USC)
aprobou este venres as súas contas anuais do exercicio de 2018, que
evidencian un déficit de 1,14 millóns de euros en termos de
contabilidade nacional.
O xerente Javier Ferreira informou a
este órgano colexiado de que este saldo negativo é debido a medidas
adoptadas tanto desde a Xunta como desde a Administración estatal.
Concretamente, menciona o incremento retributivo do persoal "sen que
fose cuberto coa correspondente achega económica". Neste
contexto, a xunta de goberno da institución académica evidenciou que o
déficit apunta a "a necesidade dun novo plan de financiamento que asuma a
realidade singular da USC, tanto desde o punto de vista da súa
infraestrutura -con numerosos edificios históricos- como do seu cadro
de persoal ou da súa capacidade no conxunto do sistema investigador
galego".
Así, o xerente tamén dixo que "a ausencia dun novo
plan de financiamento obrigaría a demandar o incremento das contías" que
as arcas públicas da Xunta destinan ao Sistema Universitario Galego
(SUG). EP