Lugo | José Antonio Díaz López (Lugo, 20 de
novembro de 1957) é o novo adestrador do Cafés Candelas Breogán. Tras a
saída de Natxo Lezkano. O Consello de Administración deposita a
súa confianza nun adestrador con ampla experiencia en diversas
categorías do baloncesto e que cumprirá a súa segunda etapa como técnico
en Lugo tras un breve paso na xa afastada tempada 1997/98 na que tamén
exerceu como secretario técnico.
Tito Díaz é un dos nomes
históricos do Breogán. Un referente como director de xogo, foi un dos
xogadores que levou ao equipo celeste a cumprir o rexistro histórico de
xogar en Europa (Copa Korac) co club da súa cidade na campaña 1985/86,
tras o sexto posto logrado na campaña anterior. Con toda a súa
carreira desenvolta en Galicia, a súa terra, Tito Díaz coñece todas as
facetas do baloncesto, desde o xogo ou a xestión de club, pasando pola
formación na Federación Galega de Baloncesto, ata a dirección técnica de
equipos tanto de categoría masculina como feminina.
Na súa
última etapa como adestrador na elite, Tito Díaz asinou o crecemento
deportivo dun club como o Básquet Coruña durante catro tempadas,
clasificándose en tres delas para play off de ascenso e chegando a xogar
unha semifinal, tras eliminar precisamente ao Breogán en segunda rolda
na tempada 2015/2016. O xa novo adestrador celeste non perdeu en
ningún momento a súa actividade no mundo da canastra e durante os
últimos meses formou parte do staff técnico da Federación Galega como
responsable das seleccións autonómicas. Departamento de comunicación
Traxectoria como adestrador
.- 1994-95 Celta Playas. Categoría autonómica.
.- 1995-97 Celta Playas. Segunda División.
.- 1997-98 Breogán Lugo ocupa cargo de secretario técnico e primeiro adestrador.
.- 1998-01 Inelga BBC Villagarcía Liga EBA.
.- 2001-03 Club Baloncesto Peixefresco Marín.
.- 2003-04 CB Rosalía de Castro.
.- 2007-08 Gestibérica Vigo.
.- 2008-11 Extrugasa de Vilagarcía.
.- 2013-17 Leyma Natura Coruña (Leb Oro)