Rafael Louzán, único candidato á presidencia da RFGF
Rafael Louzán Abal será reelixido presidente da Real Federación Galega de Fútbol pola Asamblea Xeral toda vez que a súa é a única candidatura presentada antes de darse por finalizado o prazo de presentación de candidatos á presidencia.
Louzán acompañou a súa candidatura con máis de 130 avales dun total de 150 asambleístas, un extraordinario 87% de apoio que demostra claramente o respaldo do fútbol galego á xestión de Louzán e o seu equipo directivo durante o que foi o seu primeiro mandato. Un respaldo que queda reflectido tamén no feito de que en decembro de 2014 Louzán gañara as eleccións con 79 votos e agora o apoio alcanza os 130.
Agora ábrese un prazo para a presentación de reclamacións e recursos e o 30 de novembro será cando sexa proclamado definitivamente como único candidato, quedando a proclamación como presidente para a Asamblea Xeral que inicialmente está fixada para o 10 de decembro aínda que podería adiantarse. Departamento de comunicación