El Confidencial
radiolider Buscador de noticias buscar en google
José Manuel López García
Piñeiro Docampo
Sociedad

HYATT STUDENT PRIZE

Unha alumna do Centro Superior de Hostelería de Galicia, única finalista española

13-01-2018 11:25:24
Marta Casas.

O Centro Superior de Hostelería de Galicia (CSHG) converterase esta fin de semana na única escola española finalista na décima edición do Hyatt Student Prize, o destacado premio estudantil de ámbito internacional no que participan os estudantes das escolas de xestión hoteleira máis prestixiosas do mundo e que ano a ano se converte nunha oportunidade única para que os centros de formación demostren a calidade dos seus programas académicos.

Nesta ocasión, a seleccionada é a estudante do cuarto ano de Diploma Superior en Xestión Hoteleira, Marta Casas Bellas, elixida entre 11 finalistas desta décima edición do Hyatt Student Prize que se está a celebrar en París. Con este concurso prémiase aos estudantes con máis talento da industria hoteleira, aos que se lles dá a posibilidade de comezar unha carreira profesional nunha contorna acorde ás expectativas e cualificacións que estes alumnos esperan.

Para acceder a este prestixioso premio, a cadea hoteleira Hyatt convida a escolas de hostelería de todo o mundo coas que identifica características excepcionais na formación, talento e aptitudes dos seus alumnos. Gañador da edición no ano 2013, o CSHG foi finalista na maioría das edicións do concurso, sendo este ano a única escola seleccionada en España. A alumna do CSHG competirá con candidaturas da École hôtelière de Lausanne (Suiza), Hotelschool The Hague (Holanda), Florida International University (EEUU) e The Hong Kong Polytechnic University (China), entre outros.


A final, o luns

Para participar, os aspirantes tiveron que enviar previamente un vídeo en inglés, no que amosan as súas motivacións para desenvolver a súa carreira na hostelería e, unha vez en París, un xurado composto por vicepresidentes executivos de Google, Air France-KLM, Evian-Volvic, Hyatt ou o ex-futbolista, Robert Pirès, cualificarán as capacidades interpersoais e de liderato a través dunha serie de retos que determinarán ao vencedor na gala que se celebrará este luns no Hyatt Regency Paris Étoile.

O gañador desfrutará dunhas prácticas na central de operación que a cadea ten en Chicago (EEUU), e por diferentes lugares do mundo onde Hyatt ten hoteles.





www.liderdiario.com no se hará responsable de los comentarios de los lectores. Nuestro editor los revisará para evitar insultos u opiniones ofensivas. Gracias